mundego

Despedimos este curso cargadiño de poesía...! Estivemos vendo o final da película  El cub de los poetas muertos , a escena máis fermosa do  filme . E decubrimos o poema de  Walt Whitman . Aquí deixamos unha pequena mostra das nosas poéticas, realizadas na materia de lingua castelá:

Hoxe poidemos ver moitos dos animais que traballamos este ano! Pandas xigantes, camelos bactrianos, gorilas, rinocerontes brancos... Pero seguimos pensando o mesmo: é máis importante e urxente coidar os seus espazos naturais que visitalos en lugares privatizados de liberdade. Recoñecedes a alguén desta imaxe do Museo de Cera?

Na área de Educación Plástica estivemos traballando diferentes estilos pictóricos mediante a figura de Charles Darwin.  A arte é un xeito máis de poesía, posto que a través dunha obra podemos expresar e manifestar sentimentos. A cor escura, os grises e o monocromatismo dos seguintes retratos realistas, xeraron en nós tristura, frialdade, nostalxia, soidade, tempos pasados, serenidade...  Pola contra, estes outros, cheos de cor e formas xeométricas, tentaron achegarse á arte cubista.  Este cromatismo tan diverso, crea a sensación de alegría, fantasía, diversión, movemento... Pero lembrade, toda manifestación artística, xera distintos sentimentos en función de quen observe.

No  día mundial do medio ambiente , nós quixemos ser partícipes sendo conscientes da beleza natural que nos rodea. Meténdonos de novo na pel de Charles Darwin, ao longo da semana, estivemos realizando observacións do entorno próximo: árbores, paxaros, herba, clima... todo o que pasamos por alto cando saímos ao recreo. Tamén somos conscientes da importancia de coidar o ecosistema, algo que temos moi presente dende que comezamos a andaina da "Viaxe do Beagle". Dende a biblioteca, realizouse unha selección de libros para conmemorar este día: Amosamos aquí anacos dos nosos cadernos de observacións. Lembrade: a observación é a semente de todos os pensamentos.