mundego

Este venres estivemos na Casa da Cultura de Sada expoñendo o noso proxecto "A viaxe do Beagle". O equipo das Mariñas Coruñesas e Terras do Mandeo, convidounos a que désemos a coñecer aquelas actividades que fomentan o coidado e respecto cara o medio natural. Fixemos un resumo das máis interesantes, tal e como recolle este vídeo: Enlace  presentación Agasalláronnos cun libriño e cun fermoso niño para os paxaros! Xa temos casa para algunha das aves que traballamos este ano. Lembrades algunha?

A maioría de vós, pensáchedes que isto era unha semente... pero non! É un  bugallo ! Un xeito de defensa que ten a árbore fronte ás picaduras de algúns insectos que deixan os seus ovos nela. 

Hoxe visitáronnos dous expertos no mundo canino! Adrián e Lucía foman parte de  Candamin , un equipo que traballa a educación dos animais para poder ayudar ás persoas con dificultades de relación. Adrián é un educador canino e Lucía é unha terapeuta ocupacional. Estes mundos ligáronse para poder mellorar a comunicación, o entendemento e a resolución de conflitos mediante a relación cos cans. Sabiades que os niveis de nerviosismo baixan cando unha persoa acaricia a un animal? Que a moitas nenas e nenos con necesidades educativas lles resulta máis doado comunicarse a través dunha mascota? Matilda, Bosco e Venus axudan a que moitas persoas poidan desenvolverse con maior autonomía. Nós, que estivemos traballando os animais en perigo de extinción, non nos decatamos que moitas razas de cans acabarán extinguíndose, debido á endogamia.  Moitas grazas pola actividade, o traballo e a información!

A través do equipo das  Mariñas Coruñesas e Terras do Mandeo , realizamos unha saída moi interesante a Sobrado dos Monxes. Non solamente descubrimos a arquitectura do seu mosteiro, tamén fixemos unha andaina ata a lagoa! Un espazo natural cheo de vida. Cantas especies pensades que forman parte dese ecosistema? Turismo de Sada fíxose eco desta noticia: Saída pola contorna No camiño da Carballeira, atopamos isto. Alguén sabe o que é? Pensades que é un froito? RETO PARA A VINDEIRA SEMANA!

Recitando haikus e vestindo de flores o maio...

Cada pobo e cada cultura ten a súa tradición e manifestacións literarias. Esta semana estivemos mergullándonos na poesía xaponesa: os haikus. Esas pequenas composicións poéticas que adoitan falar da natureza. E que mellor xeito de seguir festexando as poéticas diversas! E de seguir fomentando o coidado ao  medio natural. Aquí tendes unha mostra das nosas creacións. A herba que observamos dende a ventá da aula, foi o fondo perfecto para evadirnos con estes fermosos versos:

Aquí tendes as historias das nosas especies!

Hoxe estivemos gozando da ciencia, ensinando as nosas experiencias e descubrindo outras novas.  A  “Ciencia en la calle”  vestiu o parque de Santa Margarita de científicos e científicas! Moitas grazas Carla, Daniela e Martín! Por participar nesta celebración. E ás súas familias pola dedicación e tempo. Aquí tendes o vídeo da xornada:  Día da ciencia