mundego

No día de hoxe, o alumnado do centro, celebramos o  día escolar da non violencia e da paz . Na aula dialogamos sobre á importancia de fomentar unha boa convivencia todos os días do ano, non de xeito puntual. A maiores, buscamos información sobre os diferentes premios Nobel da Paz femininos e descubrimos cousas moi interesantes de Rigoberta Menchú, Wangari Maathai, Nadia Murad ou Malala, entre outras. Para seguir traballando a educación en valores, elaboramos un vídeo sobre a LENDA DO ARCO DA VELLA, no que manifestamos a importancia de que, pese ás nosas diferencias, todos e todas somos iguais.

Mediante a investigación sobre Jeanne Baret, descubrimos outras mulleres vencelladas á ciencia a través do estudo dos océanos.  Na procura de bibliografía e sitios web onde buscar información, atopamos unha páxina moi interesante:  a muller e a oceanografía . Por grupos, elaboramos un pequeno traballo sobre cada unha destas científicas pioneiras. Nos vindeiros días, con motivo da celebración do  día internacional da muller e da nena na ciencia , iremos publicando diferentes informacións sobre as nosas investigacións.