Programa Naturézate

O alumnado de 6º participou ao longo deste curso no programa Naturézate, a través do cal, realizamos unha serie de actividades enmarcadas no descubrimento da contorna próxima.

1. Contextualización:

Os bosques de Sada, xunto coa súa zona costeira, serven de fío condutor na concienciación da importancia sobre a concienciación da natureza.

Este pequeno proxecto tivo como obxectivo fundamental mellorar o coñecemento sobre o medio natural galego, mediante unha sensibilización ambiental. Promoveuse unha actitude crítica en relación ao desenvolemento sostible.

Posto que o centro educativo xa dispón de espazos naturais significativos, empregáronse como guía na introdución de conceptos básicos e identificación de elementos naturais da contorna máis próxima.

2. Obxectivos:

Descubrir a contorna de Sada.
Identificar especies vexetais autóctonas.
Recoñecer especies invasoras.
Sensibilizar ao alumnado sobre a importancia do coidado e respecto do medio natural.
Desenvolver hábitos de traballo en equipo a través de hortos escolares.
Fomentar a competencia lingüística.
Adquirir habilidades emocionais na prevención e resolución de problemas ambientais.
Coñecer a valorar a contorna natural.

3. Actividades:

Identificación de árbores no centro educativo.

En pequeno grupo, empregando material da biblioteca escolar, realizamos unha selección de árbores dos xardíns do colexio.

Taller de haikus.

A través dunha proposta dende a biblioteca escolar, participamos nun taller de composicións poéticas.

Investigación sobre especies invasoras.

Traballo sobre distintas especies invasoras que habitan os montes galegos.

Roteiro pola contorna.

Saída pola contorna próxima para pór en práctica os coñecementos adquiridos: identificación de especies autóctonas e invasoras. O alumnado levou un caderno de campo que foi completando no roteiro. Posta en común na aula.