Organización de actividades

Nos vindeiros días, imos reorganizar o xeito de traballo para este terceiro trimestre: mediante novas ferramentas que permitan ao alumnado, de xeito sinxelo, descargar e xestionar actividades.

Esta semana, seguiremos con actividades de repaso e reforzo dos contidos traballados. A próxima semana comezaremos tamén a introducir (de acceso voluntario) materia nova. Seguiremos a programación dos libros de texto, co índice de temas establecido. Porén, trataremos os contidos máis fundamentais dos mesmos. 

Para iso, é preciso que facilitedes os vosos correos electrónicos, posto que será o medio de entrega e revisión de actividades.

Mediante este mesmo blog, introducindo "comentarios" podedes enviar o voso correo electrónico. Se iso supón dificultades, lembramos que dispoñedes dos nosos correos persoais para facelo.

O titor de 5ºB xestionará os enderezos da súa aula e a titora de 5ºC os correspondentes á súa. 

Alumnado de 5ºC: para xestionar os comentarios do blog e as diferentes actividades que se irán adxuntando, será necesario que dispoñades dunha conta de google: un correo electrónico de gmail (que podedes crear de xeito moi sinxelo a través da mesma aplicación). Grazas!

Sabemos perfectamente todas as dificultades que ocasiona este xeito de traballo. Polo que agradecemos a disposición e colaboración de todas as familias. É unha nova metodoloxía non presencial que dificulta moitas veces a conexión alumnado-profesorado, pero tentaremos facilitar o proceso na medida do posible. 

Atentamente, 

Manuel e Lucía.

(Entendemos todos os impedimentos que este xeito de traballo supón para as familias: a nova organización, a conciliación, o acceso á información.... Non todas dispoñen dos mesmos medios, dos mesmos recursos e do mesmo tempo. Polo que reiteramos o noso agradecemento. Nos próximos días comunicaremos se seguimos a traballar como ata agora ou incorporamos novas aplicacións para mellorar a conexión alumno-profesor. Grazas!)