Mulleres coa ciencia!

Algunhas persoas entenderon mal a idea da teoría da evolución de Charles Darwin. Pensaban que o home era “superior” á muller polas súas condicións físicas.

Darwin nunca afirmou tal cousa! El explicou que todos os homes e mulleres eran iguais, sen importar a súa cor de pel, nin o seu xénero. Por un principio fundamental: todos eran membros dunha mesma especie!

Estas semanas imos traballar a importancia da igualdade entre homes e mulleres, a través do papel da muller na ciencia. 

Co gallo de que o 11 de febreiro se celebra o día internacional da muller e da nena na ciencia, o noso Charles Darwin, vainos propoñer un reto:

Estes días irá presentando pistas de diferentes mulleres científicas. Tendes que responder en canto saibades a resposta, xa que os primeiros e primeiras en adiviñalo, irán sumando puntos.

Estes puntos terán recompensa!

XEITO DE PUNTUAR:

- 1 punto por enviar unha resposta (sexa válida ou non, o esforzo debe puntuarse, non?)
- 2 puntos se a solución é a correcta.

- 3 puntos se a túa solución correcta se atopa entre as dúas primeiras contestadas.
- 4 puntos se es o primeiro ou primeira en contestar correctamente!
A PUNTUACIÓN SERÁ ACUMULATIVA.

Lembrade que a biblioteca do colexio e os ordenadores están á vosa disposición. Toda investigación require de fontes.

Aí vai o primeiro reto, sorte!