mundego

O mellor destas datas é poder pasalas xunto ás persoas que queres. 

Estas semanas estivemos investigando onde atopar buganvíleas na nosa contorna: identificámolas, sinalamos a súa situación e sacámoslles fotografías. En xuño, voltaremos a eses lugares para deixar neles un pequeno agasallo...

Marcos tróuxonos hoxe á clase unha buganvílea. Pese a estar un pouco seca, observamos as súas cores e formas. Grazas!

Dende o equipo da  Reserva da Biosfera , achegáronnos o PAPEL DA MULLER NO RURAL. Coñecemos a Raquel, unha muller emprendedora e namorada da súa contorna, que nos ensinou a importancia de poñer en valor as ideas. Afondamos nos prexuízos que temos sobre a vida nas aldeas e convidounos a coñecer a agricultura ecolóxica..  Ela, dende moi pequena, tiña un soño: vivir no campo e ser a dona da súa propia empresa. Conseguiuno!

Hoxe contáronnos a historia do rei Arturo...pero dun xeito moi diferente.  Visitounos un contador de historias moi especial, que nos descubriu un segredo descoñecido para algúns rapaces e rapazas: o máis importante para calquera muller é o dereito a DECIDIR.

Dende o Concello déronnos a posibilidade de participar nunha actividade de "Concelleiros e Concelleiras por un día".  Primeiro realizamos unha votación para escoller aos nosos representantes da aula. Despois, elaboramos os puntos que queriamos tratar no pleno. Logo, as propostas que deberiamos votar. Este é un pequeno resumo das mesmas: No seguinte vídeo, podedes ver o debate que xurdiu en relación ao punto 2 ("medidas en torno á violencia de xénero"):

Esta semana estivemos preparando diferentes experimentos para presentarlles aos compañeiros e compañeiras, lembrando a importancia de traballar a ciencia na escola.